BE.184 Logu no.103
AUT NA SARIBU HALI GANDA

Ayat 1
Nunga tung jumpang au ojahan Ni tondingki na mago i
Mudar ni Jesus do manahan Saleleng ni lelengna i
Nang mago pe portibi on Tongtong dohot ojahan on.

Ayat 2
Ai dipaherbang do tanganNa Mangkaoli hajolmaon on.
Dibahen asi ni rohaNa Di isi ni portibi on
Naung ro nang na so ro dope Naeng toguonNa do sude.

Ayat 3
Unang ma mago hajolmaon Di roha ni Jahowa i
Disuru do tu hajolmaon AnakNa Sipangolu i
Sai dituktuhi hata ni Do pintu ni rohanta i.

Ayat 4
Naung lonong do sude dosanta Tu mudar ni Tuhanta i
Ai molo na porsea hita Ndang jadi hona uhum be
Dibaen panjou ni mudar i Na mangondihon jolma i.

Ayat 5
Dibahen i sai bonomonku Do au tu paridian i
Hupasesahon do dosangku Tu Jesus, Sipangolu i
i na tarsolsol bagi au Tu Jesuski tongtong au lao.
6 Ojahan on do ingananku Saleleng au di tano on
Sai i hangoluhononku Saleleng so tos hosangkon
Tongtong do sipujionki Tuhanku Sipangolu i.
